Россия пойтахтида яшовчи қиз резина ўқли тўппонча билан селфига тушаётганида бошидан яраланди, деб хабар қилади LifeNews.
Ҳодиса 21 май куни Москванинг жануби-шарқида содир бўлган. 21 ёшли қиз иш жойида қурол билан селфига тушишга қарор қилган.
«У қурол билан суратга тушмоқчи эканлигини айтиб, қўриқчидан бир муддатга тўппончани бериб туришини сўради. Эркак унинг илтимосини рад этмади, қиз қўлига тўппончани олиб, суратга тушишни бошлаганида, тасодифан ўз бошига ўқ узди», — деди воқеа гувоҳларидан бири.
Резина ўқдан яраланган қиз касалхонага келтирилди. Шифокорлар унинг ҳолатини оғир деб баҳоламоқда.
Изоҳ (0)