Россиянинг Чебоксари шаҳрида чет эллик фуқароларга нисбатан фирибгарликда гумон қилинаётган тўрт нафар маҳаллий аҳоли қўлга олинди. Чувашистон полицияси маълумотларига кўра, улар ўзларини келинликка тайёр қиз сифатида кўрсатиб, турли баҳоналар билан чет элликлардан пул ундиришган.
Чувашистон полицияси чет эллик жабрланувчилардан бирининг манфаатларини ҳимоя қилувчи детектив агентлиги мурожаатидан сўнг (у Чебоксарида истиқомат қилувчи қиз ҳисобига 300 минг рубль ўтказиб берган) текширув ишларини бошлаган. Полициячилар ёзишмалар олиб борилган компьютерлардан бири қаерда жойлашганини аниқлаб, у ерда тинтув ўтказишган.
«Бинода учта шахсий компьютер мусодара қилинди. Полиция ходимлари бу компьютерларда чет эл фуқаролари билан олиб борилган ёзишмалар тарихи ва чет элликларнинг электр манзилларига спам кўринишида юборилган инглиз тилидаги тайёр матнларни топишди», - деди Чувашистон полицияси вакили.
Полициячиларнинг сўзларига кўра, ҳозирги вақтда гумон остидаги икки йигит ва икки қизга нисбатан жиноят иши қўзғатилган. Ҳозирча фирибгарларга умумий ҳисобда 700 минг рубль ўтказиб берган икки жабрланувчи ҳам аниқланган.
Изоҳ (0)