92 ёшли германиялик пенсионер темир йўл вокзалида ўз йиққан-терган пулларини унутиб қолдирди. Маҳаллий темирйўлчиларнинг тартиблилиги туфайли қария пулларини қайтариб олди, деб хабар беради Bild.
Гамбург шаҳридаги возкал хизматчилари ўриндиқдан рюкзак топиб олди ва уни топилмалар идорасига топширди.
Йўл-йўлакай полицияга ҳам хабар берилди, чунки рюкзак шубҳали кўринганди. Текширувлар натижасида унинг ичидан хавфли буюмлар топилмади, аммо катта суммадаги пул борлиги аниқланди. Рюкзакдаги нақд пулларнинг ўзи 34 минг еврони ташкил қиларди.
Юк халтасидан яна ҳисобида 10 минг евро бўлган жамғарма китобчаси ҳам топилди. Полиция олиб борган тезкор суриштирув ишларидан сўнг ўриндиқда пулларини унутиб қолдирган пенсионер топилди.
Пенсионер 92 ёшга тўлган кунини нишонлаётганида унинг пуллари қайтариб берилди.
Изоҳ (0)