Қозоғистоннинг Олма-Ота шаҳридаги Марказий стадион олдида дам олиб ўтирган қизларга номаълум эркаклар ҳужум қилди, дея хабар бермоқда Nur.kz.
Ҳодиса гувоҳларининг сўзларига кўра, қизлар ўриндиқда дам олиб ўтирганида уч эркак қўлда тошлар билан уларга ҳужум қилиб, тошбўрон қилган.
Тошбўрон натижасида қизлардан бири хушини йўқотган, ҳужум қилган эркаклар эса қизларнинг сумкаларини олиб, воқеа жойидан яширинишган.
Полиция гумонланувчи шахслардан бирини қўлга олган, у муқаддам судланган шахс бўлиб чиққан. Қолган гумонланувчилар қидирувга берилган.
«Жабрланувчи қизларни касалхонага ётқизиш зарурати туғилмади, уларга амбулатория шароити даволаниш ҳақида кўрсатма берилди», - дейилади хабарда.
Изоҳ (0)