XXI асрнинг ўрталарига бориб, Саудия Арабистони электр энергиясини олиш учун қазиб олинувчи ёқилғидан фойдаланишни тўхтатади. The Financial Times’нинг Саудия Арабистони нефть вазири Али ал-Наимийга асосланиб хабар беришича, мамлакат 2040 йилларга бориб қуёш ва шамолдан энергия олишга тўлиқ ўтади.
Ал-Наимийнинг фикрича, қироллик «қуёш энергетикаси соҳасида жаҳондаги етакчи мамлакат»га айланади ва қазиб олинадиган ёқилғини эмас, балки электр энергиясини экспорт қилувчи мамлакатга айланади. Ўз навбатида, унинг огоҳлантиришича, иқлимнинг кескин ўзгаришидан қочиш мақсадида қазиб олинадиган ёқилғини ишлаб чиқаришни тўхтатишга қаратилган чорловларни айтишга ҳали эрта.
Саудиялик вазирнинг қайд этишича, жаҳонда 1 миллиарддан ортиқ аҳоли электр таъминотига эга эмас ва қазиб олинувчи ёқилғига нисбатан кучли талаб келгуси йилларда ҳам сақланиб қолади. Айни вақтда, унинг қўшимча қилишича, нефть, кўмир ва газ ёқишнинг шундай йўлларини топиш керакки, бу ҳолат ҳароратнинг глобал ўсишига сабаб бўлувчи омилларга таъсир қилмасин.
Саудия Арабистони бундан уч йил аввал электр энергиясини экспорт қилиш имконини берадигна бир неча қуёш электр станцияларини қуриш ниятида эканлигини маълум қилганди.
Изоҳ (0)