Япониянинг Фукуока шаҳрилик фермер дунёда энг оғир қулупнайни етиштириб, Гиннеснинг Рекордлар китобига кирди, дея хабар бермоқда «Nur.kz».
Кожи Накао ҳосилни йиғиб олиш чоғида кутилмаганда улкан мевага кўзи тушди. Мега-қулупнайнинг бўйи 8, эни 12 сантимeтрга етса, айланаси 25—30 сантимeтрга тенг келади. У 250 грамм тош босди.
Меванинг ўлчамларини олгач, Накао дарҳол Гиннеснинг Рекордлар китоби қўмитаси билан боғланди. Рекорд қайд этилгач, фермернинг қизи қулупнайни еб кўрди ва унинг жуда мазали эканлигини айтди.
Накаонинг қулупнайи 30 йилдан ошиқ вақт давомида сақланиб турган рекордни янгилади — бунгача 1983 йилда Буюк Британияда ўстирилган 231 граммлик мева энг оғир деб ҳисобланар эди.
Изоҳ (0)