Кобулнинг дипломатик туманида кучли портлаш юз берди

Афғонистон пойтахти Кобул шаҳрининг дипломатик туманида 19 май, сешанба куни кучли портлаш юз берди. Бу ҳақда «РИА Новости» хабар бермоқда.

Маҳаллий TOLO News телеканали маълумотларига кўра, портлаш Афғонистон Адлия вазирлиги яқинидаги автотураргоҳда рўй берган.

Портлаш жойига хавфсизлик хизмати ходимлари ва тез тиббий ёрдам кареталари етиб келган.

Ҳодиса тафсилотлари ошкор этилмаяпти. Юз берган портлаш натижасида ҳалок бўлганлар ва жабрланганлар тўғрисидаги маълумотлар ҳозирча йўқ.