Ўзбекистонда HTC Desire 820 смартфони сотувга чиқди

Ўзбекистонда HTC Desire 820 смартфони савдолари бошланди. Mobinfo.uz’нинг хабар беришича, қурилманинг халқаро тақдимоти ўтган йили Берлинда ўтказилган IFA кўргазмаси доирасида бўлиб ўтган эди.

Ҳажмининг етарли даражада катталиги ва техник кўрсаткичлари чакки эмаслигига қарамай, ишлаб чиқарувчи ушбу смартфонни нархи ўртача қурилмалар туркумига киритади. Desire 820’нинг дизайни кўп жиҳатлари билан HTC Desire 816’ни ёдга солади.

Desire 820 5,5 дюймли, ажрата олиши 1280х720 пиксель бўлган Super LCD 3 дисплей, 8 ядроли, икки кластерга ажратилган Qualcomm Snapdragon 615 чипи, 2 гигабайт оператив хотира, 8 мегапикелли фронтал камера, 802.11н протоколи асосида ишлайдиган Qualcomm MDM9x25 модеми билан таъминланган.

HTC Desire 820 смартфони аккумляторининг сиғими 2600 мА•с ни ташкил этади. Тошкентдаги «Флешка» («Малика») технобозорида қурилма 1,7 миллион сўмдан сотилмоқда.