Бирлашган Араб Амирликларидан бўлган зиёратчиларни олиб кетаётган автобуснинг ҳалокатга учраши натижасида 3 киши ҳаётдан кўз юмди ва 56 киши жабрланди, деб хабар беради «РИА Новости».
Авария БАА пойтахти Абу-Дабидан 200 километр узоқликда содир бўлган. 60 нафар зиёратчини олиб кетаётган автобус эскирган шинанинг портлаши оқибатида ағдарилиб тушган ва йўл четидаги тўсиққа бориб урилган.
«Уч киши ҳодиса жойида ҳалок бўлди, яна тўққиз киши оғир аҳволда яқин атрофдаги касалхонага олиб кетилди», — деди Абу-Даби полицияси вакили, полковник Ҳамад Наср ал-Балуши.
Полиция маълумотларига кўра, автобус ҳайдовчиси узоқ саёҳатдан сўнг чарчаган ва юқори тезликда ҳаракатланган. У ҳалокатдан жабрланмаган ва ҳибсга олинган.
Зиёратчилар Саудия Арабистонидан — Умра сафаридан қайтиб келаётган бўлган.
Изоҳ (0)