Ямандаги март ойи бошидан бери жанговар ҳаракатлар натижасида ҳалок бўлганлар сони 1600 кишидан ошиб кетди, яна 6200 киши тан жароҳати олган. Бу ҳақда, БМТнинг Гуманитар масалалар бўйича мувофиқлаштирувчи бошқармасининг Яман бўлими бошлиғи Ёҳаннес ван дер Клауга асосланиб, ТАСС хабар бермоқда.
«Қуролли низонинг оқибатлари унинг фуқаролар ҳаётига даҳшатли даражада хавф солаётганини кўрсатмоқда. Низо бошланганидан бери ҳаво ҳужумлари ва қуруқликдаги тўқнашувлар натижасида 1600дан ортиқ киши ҳалок бўлди, 6200дан ортиғи ярадор бўлди. Бу ҳозирча тахминий рақамлар», - деди у.
Ван дер Клаунинг қўшимча қилишича, амалдаги ҳукуматга қарши чиққан исёнчи-хусийлар ва қувғинга учраган Яман президентини қўллаб-қувватлаган Саудия Арабистони бошлиқ ҳарбий коалиция ҳужумлари натижасида 450 мингдан ортиқ аҳоли ўз яшаш жойини ташлаб чиқишга мажбур бўлган.
Изоҳ (0)