«Қўқон — Наманган — Андижон» йўналишидаги шаҳарлараро йўловчи поезди Намангандан йўлга тушиб, Чортоққа яқинлашганида тепловоз ҳайдовчиси И. Солиев рўпарадаги темир йўл излари устида нималардир борлигини пайқади, деб ёзади «Постда» газетаси. У поездни тезда тўхтатиш чорасини кўрди.
150—200 метр нарида темир йўл рельслари устида бетондан тайёрланган олтита пикет устун, иккита сигнал ва километр кўрсаткичи ёзилган бетон ётарди. Хабар зудлик билан ички ишлар идоралари ходимларига етказилди. Улар воқеа жойига етиб келиб, яқин атрофда суриштирув ўтказди.
Ушбу қилмиш Чортоқдаги маиший хизмат касб-ҳунар коллежи ўқувчилари — Қ. Ботир, М. Аъзам ва Ҳ. Мирзоҳид томонидан амалга оширилгани аниқланди.
Жиноят ишлари бўйича Чортоқ туман судида вояга етмаганларнинг қилмиши муҳокама қилинди ва тегишли жазо тайинланди.
Изоҳ (0)