2015 йил 1 май ҳолатига кўра Bloomberg Chinese Rich List ва Asia Rich List рейтингларида Wanda Group раҳбари Ван Цзяньлинь 38,1 миллиард доллар бойлиги билан Осиёнинг энг бой кишиси сифатида эътироф этилди, деб хабар бермоқда ТАСС.
Жаҳон рейтингида 11-ўринда бораётган миллиардер Alibaba Group асосчиси Жек Ма (35,1 миллиард доллар билан 17-ўрин) ва гонконглик сармоячи тадбиркор Ли Кашин (34,7 миллиард доллар билан 19-ўрин) ни ортда қолдирган.
Bloomberg ва Forbes томонидан эълон қилинган аввалги Осиёнинг энг бой кишилари рейтингида Ван Цзяньлиннинг бойлиги 24,2 миллиард доллар деб баҳоланган эди. Унинг бойлиги кескин кўпайишига асосий сабаб сифатида миллиардерга тегишли учта компания акцияларининг биржадаги нархлари ошиши кўрсатилган.
Изоҳ (0)