2015 йил 11-14 май кунлари Ўзбекистон давлат консерваториясида «Ёшлик баҳори» номли ёш операчилар Республика очиқ кўрик-фестивали ўтказилади. Бу ҳақда Ўзбекистон Республикаси Маданият ва спорт ишлари вазирлиги расмий сайтида хабар берилди.
Кўрик-фестивалнинг асосий ташкилотчилари Маданият ва спорт ишлари вазирлиги ва "Камолот» ёшлар ижтимоий ҳаракати ҳисобланади. Унинг гала-концерти 2015 йил 15 май куни бўлиб ўтади.
Кўрик-фестивалда танловнинг очилиш кунида 18-32 ёшдаги опера ижрочилари иштирок этиши мумкин. Бунда ҳар бир иштирокчи 11 май куни соат 10:00 дан 22:00 гача Ўзбекистон давлат консерваториясида рўйхатдан ўтиши керак.
2015 йил 12 май куни соат 9:00 дан 9:30 гача Ўзбекистон давлат консерваториясининг Катта залида иштирокчилар учун қуръа ташлаш маросими бўлиб ўтади. Кўрик-фестиваль бир босқичда ўтказилади ва икки турдан иборат.
Иштирокчиларнинг барча чиқишлари омма олдида ўтказилади. Барча асарлар оригинал тилда ва оригинал тоналликда, ёддан ижро этилади. Бир турда ижро этилган асарлар иккинчи турда ижро этилмайди.
- I тур (саралаш, ҳар бир иштирокчига 10 дақиқагача вақт берилади) фортепиано жўрлигида 2 та асар талабномага мувофиқ;
- II тур фортепиано жўрлигида (саралаш, ҳар бир иштирокчига 12 дақиқагача вақт берилади):
- 1. Ўзбек композиторларининг операларидан ариялар ва камер вокал асарлари.
- 2. Чет эл композиторларининг операларидан ариялар ва камер вокал асарлари.
Кўрик-фестивалда ғалаба қозонган кучли учлик қуйидаги мукофот билан тақдирланади:
- Биринчи мукофот: 5 000 000,00 сўм
- Иккинчи мукофот: 3 000 000,00 сўм
- Учинчи мукофот: 2 000 000,00 сўм
Ҳозирги кунда иштирокчилар сони 70 нафарга етди.
Изоҳ (0)