Америкалик таниқли хонанда Бритни Спирс шифокорларнинг талабига кўра Лас-Вегас саҳнасидаги икки концертини бекор қилишга мажбур бўлди.
ТАССнинг хабар беришича, ўтган чоршанба куни хонанда саҳнада йиқилиб тушиб, оёғини қайириб олганди.
«Спирс 1 ва 2 май кунларига режалаштирилган концертларини нисбатан кечроқ муддатга қолдирди», - дейилади Billboard журналидаги хабарда.
33 ёшли Спирс ўзининг 1999 йилдаги энг машҳур қўшиғи – «(You Drive Me) Crazy»ни ижро этаётган вақтда йиқилиб тушиб, оёғини қайириб олган.
Шоу якунига етиши билан у интернетдаги саҳифасида ўзини яхши ҳис қилаётгани ва барча концертлари белгиланган жадвал бўйича ўтиши ҳақида хабар қолдирди.
«Бироқ, Бритни Спирснинг жароҳати аввал тахмин қилинганидан-да жиддийроқ бўлиб чиқди», - дейилади журналдаги хабарда.
Калифорния нашрларида хонанданинг қўлтиқтаёқ ёрдамида ҳаракатланаётгани тасвирланган фотосуратлар эълон қилинган.
Ҳозирги вақтда Спирс ўзининг Piece of Me шоуси билан гастрол сафарларига чиқмоқда, ушбу гастроллар унга ҳар йили 15 миллион доллар даромад келтиради.
Изоҳ (0)