Британиянинг қачонлардир таниқли бўлган Spice Girls гуруҳи футболчи Дэвид Бекхэмнинг туғилган кунида қайта бирлашди, дея хабар бермоқда «Газета.ru».
Гёрлз-бэнднинг беш хонандасидан тўрт нафари Виктория Бекхэмнинг турмуш ўртоғи туғилган кунига бағишлаб Марокашда ўтказилган зиёфатда учрашди.
Ижтимоий тармоққа жойланган фотосуратда гуруҳнинг собиқ аъзолари — Мэл Си, Жери Холлиуэлл, Эмма Бантон ва Виктория Бекхэм таниқли актриса Ева Лонгория билан қучоқлашиб тургани акс этган.
Актриса суратга «Мен Spice Girls’нинг янги таркибидаман» дея изоҳ қолдирди.
Зиёфатга гуруҳнинг қолган аъзоси Мэлани Браун келмади.
Эслатиб ўтамиз, 2 май куни Дэвид Бекхэм 40 ёшга тўлди.
Изоҳ (0)