АҚШ президенти Барак Обама штаб бошлиқлари бирлашган қўмитасининг раҳбарлигига генерал Жозеф Данфорд номзодини таклиф қилди, деб хабар беради «Газета.ru».
Бу ҳақда Оқ уйнинг расмий вакили маълум қилди.
Генерал Данфорд 2014 йил октябридан буён АҚШ денгиз пиёдалари корпусини бошқариб келаётганди.
Данфорд икки йил давомида Афғонистонда хавфсизликни таъминлашга кўмаклашувчи халқаро кучларга раҳбарлик қилган.
Бундан ташқари, Обама АҚШ қуролли кучлари раҳбарининг ўринбосари лавозимига генерал Пол Селва номзодини таклиф қилди.