Ўзбекистонда Тошкентдаги Франция альянси рўйхатдан ўтказилди, дея хабар бермоқда UzDaily.
Яқин орада ушбу муассаса Ўзбекистондаги Франция институти собиқ биносида очилиши кутилмоқда.
Нашрнинг эслатишича, Ўзбекистондаги Франция институти 2014 йил 30 июнда ёпилган эди. Институтнинг асосий вазифалари француз тилини ўқитиш, маданий тадбирларни ташкиллаштириш ҳамда таълим, стипендия дастурлари, танловлар ҳақида ахборот тарқатишдан иборат эди.
Тошкентдаги Франция альянси Франция институтига ўхшаш функцияларни амалга оширади. Хусусан, у ерда барча ёшдаги кишилар учун француз тили курслари ўтказилади.