Тошкентдаги Халқаро Вестминстер университети (ТХВУ)да 27 майда «Магистрлар куни» бўлиб ўтади. Бу ҳақда «Газета.uz» хабар бермоқда.
Тадбир меҳмонлари ишлаб чиқаришдан узилмаган ҳолда таълим олиш учун мўлжалланган магистрлик дастурлари ҳақида маълумот олиб, ушбу дастурларнинг битирувчилари ва ўқитувчилари билан танишишлари мумкин бўлади.
ТХВУ Буюк Британиядаги Вестминстер университетининг «Халқаро бизнес ва менежмент» (MAIBM) ва «Халқаро тижорат ҳуқуқи» (LLM) мутахассисликлари бўйича магистрлик ўқув дастурларини тақдим этади.
Ушбу дастурлар мутахассислиги бўйича малака ошириш ёки янги йўналиш бўйича таълим олиш ниятида бўлганлар учун мос келади.
Изоҳ (0)