Бугун,

  • USD 11095.31
  • RUB 173.84
  • EUR 10772.44

Хитойнинг Эрон нефть саноатига киритган инвестициялари ҳажми 20 миллиард еврога етди ва бундан кейин яна уч баробарга ўсиши мумкин. Бу ҳақда Эрон нефть вазири ўринбосари Муқаддам Шоирий маълум қилди, дея хабар бермоқда «ТАСС».

Фото: Kommersant.ru

Фото: Kommersant.ru

Муқаддамнинг сўзларига кўра, Хитой ҳозирги вақтда Эрондан нефть хомашёсини сотиб олаётган энг йирик харидор бўлиб, уни сотишдан тушган пул Эроннинг Хитой банкларидаги ҳисоб-рақамларида қолмоқда.

Унинг қайд этишича, Эрон нефть саноатига киритиладиган сармоя миқдорини бир неча бор ошириш ҳақидаги қарор Пекин томонидан яқин вақт ичида қабул қилинади.

Ҳозирги вақтда Хитой нефть қазувчи компаниялари Эрон жануби-ғарбидаги Ҳузистон вилоятида захираси 30 миллиард баррелга баҳоланган Ядоварон кони устида ишламоқда. Лойиҳанинг биринчи босқичида суткасига 75 минг баррель нефть қазиб олинади. Хитойнинг Sinopec компанияси лойиҳага 2 миллиард доллар миқдорида сармоя киритган.

Ўз навбатида, CNPC компанияси Шимолий Озодагондаги кунига 120 минг баррель нефть қазиб олиш имконини берадиган конни ўзлаштириш учун 2 миллиард доллар инвестиция киритган.

Миллий ядровий дастури сабаб Эронга нисбатан АҚШ ва Европа Иттифоқи томонидан жорий этилган санкцияларга мувофиқ, Эрондан нефть сотиб олиш, шунингдек, мамлакат нефть саноатига инвестиция киритиш тақиқланган. Ҳозирги вақтда Эрон нефти асосан Хитой, Ҳиндистон ва бир қатор Осиё мамлакатлари томонидан сотиб олинмоқда.

Изоҳ
Асосий янгиликлар
Маҳаллий
“Тез ёрдам машинаси 5 йилда икки бараварга кўпайди, битта чақирув дориси 640 сўмдан 7,5 минг сўмга ошди”. “Дарё” тиббиётдаги ўзгаришларни Наманган вилояти мисолида...
Спорт
Бундеслига. “Боруссия Д” ўз майдонида рақибини тор-мор этди 
Шоу-бизнес
Instagram: Аэропортда дабдаба билан кутиб олинган Liil Хуррамов, қўшиқ куйлаган Абдуҳошим Исмоилов, янги раққосаларни кашф этаётган Юлдуз Усмонова