Испания бош вазири собиқ ўринбосари, Халқаро валюта жамғармасининг тақсимловчи директори ва Bankia банки президенти Родриго Рато унинг уйи ва идорасида ўтказилган кетма-кет тинтувлардан сўнг ҳибсдан озод этилди. Бу ҳақда EFE агентлиги хабар бермоқда.
«Мен адлия органларига ишонаман ва улар билан яқиндан ҳамкорлик қилдим. Ҳозирги вақтда уйимда, оилам билан биргаман», - деди Рато.
Рато пайшанба куни Мадридда, Испания прокуратураси уни солиқлардан бўйин товлаш, пул ювиш ва мулкни ноқонуний ўзлаштиришда айблаб чиққанидан сўнг, ҳибсга олинганди.
Аввалроқ испан матбуотида банкир ҳукумат томонидан эълон қилинган солиқ амнистиясидан шубҳали йўллар билан топилган пул маблағларини олиб чиқиб кетиш учун фойдалангани ҳақида хабарлар пайдо бўлганди.
Изоҳ (0)