2 апрель, пайшанба куни Кениянинг Гарисса шаҳридаги университетга «Аш-Шабоб» гуруҳи ҳужум уюштириши натижасида камида 70 киши ҳалок бўлди ва 79 киши жароҳат олди. Бу ҳақда Кения ички ишлар вазирига таяниб, «Коммерсант» хабар берди.
Таъкидланишича, махсус операция чоғида тўрт террорчи ўлдирилди. 500 дан ортиқ талаба университет биносидан эвакуация қилинди. Университет корпусларидан бирида жангарилар қуршаб олинди, уларни йўқ қилиш операцияси ўтказилди.
Кения ҳукумати Гариссадаги университетга ҳужум қилишда бош гумонланувчи Муҳаммад Муҳаммуд ҳақидаги ахборот учун 215 минг доллар миқдорида мукофот пули беришини эълон қилди.
Изоҳ (0)