2-aprel, payshanba kuni Keniyaning Garissa shahridagi universitetga “Ash-Shabob” guruhi hujum uyushtirishi natijasida kamida 70 kishi halok bo‘ldi va 79 kishi jarohat oldi. Bu haqda Keniya ichki ishlar vaziriga tayanib, “Kommersant” xabar berdi.
Ta’kidlanishicha, maxsus operatsiya chog‘ida to‘rt terrorchi o‘ldirildi. 500 dan ortiq talaba universitet binosidan evakuatsiya qilindi. Universitet korpuslaridan birida jangarilar qurshab olindi, ularni yo‘q qilish operatsiyasi o‘tkazildi.
Keniya hukumati Garissadagi universitetga hujum qilishda bosh gumonlanuvchi Muhammad Muhammud haqidagi axborot uchun 215 ming dollar miqdorida mukofot puli berishini e’lon qildi.
Izoh (0)