Antaliya xavfsizlik boshqarmasi “Inqilobiy ozodlik xalq fronti” so‘l radikal guruhining 22 a’zosini hibsga oldi, deya xabar bermoqda “TASS”. Ular 31-mart, seshanba kuni Istanbul prokurorini garovga olishda ishtirok etganlikda gumon qilinmoqda.

Qo‘lga olish uchun jami 23 ta order berilgan bo‘lib, yana bir gumonlanuvchini qidirish davom etmoqda.

Hukumat ma’lumotlariga ko‘ra, istanbullik prokurorni garovga olganlar “Inqilobiy ozodlik xalq fronti” tarkibida bo‘lgan. Ular teraktni tayyorlash va chegaralarni noqonuniy ravishda kesib o‘tish ayblovlari bo‘yicha bitta turmada jazo muddatini o‘tagan.

Avvalroq Turkiya huquq himoyachilari shiddatli hujum uyushtirib, prokurorni garovga olgan terrorchilarni o‘ldirgani xabar berilgan edi. Ularning ikki nafari “Inqilobiy ozodlik xalq fronti” so‘l radikal guruhi a’zosi bo‘lgan. Reuters yo‘q qilingan terrorchilar sonini uchta deb ko‘rsatdi.

Kiraz 2013-yilda Istanbuldagi “Gezi-park”dagi namoyishlar chog‘ida gazli granatalar yomg‘iri ostida qolib ketgan 15 yoshli o‘spirin o‘limi haqidagi ishni tergov qilayotgan edi.

Qurolli kishilar prokurorni o‘z ofisida qo‘lga tushirgan va uning boshiga to‘pponcha tiralib turgani aks etgan fotosuratni internetda tarqatgan. Ular politsiyadan o‘spirin o‘limida aybdorligini tan olishni talab qilgan.

Istanbul prokurori Selim Kiraz garovdan ozod qilingach, kasalxonada og‘ir jarohatlardan vafot etdi.