Fransiyada halokatga uchragan A320 layneri ikkinchi uchuvchisi Andreas Lyubits Lufthansa aviakompaniyasini og‘ir depressiyani boshidan kechirgani haqida xabardor qilgan. Bu haqda aviakompaniya saytida xabar berildi deb yozadi “Gazeta.ru”.
“U o‘z yozishmalarida uchuvchilar maktabini 2009-yilda og‘ir depressiyasi haqida xabardor qilgan”, — deyiladi aviakompaniya bayonotida.
Lufthansa prokuraturaga hujjatlarni, jumladan Andreas Lyubits bilan u Uchuvchilar maktabi kursanti bo‘lgan paytda olib borilgan yozishmalarni topshirdi.
Eslatib o‘tamiz, avvalroq Germanwings aviakompaniyasi samolyoti halokatida aybdor deb hisoblanayotgan uchuvchi Andreas Lyubits jami bir yarim yil psixiatr ko‘magida davolangani ma’lum bo‘lgan edi.
Eslatib o‘tamiz, 24-mart kuni Barselonadan Dyusseldorfga parvoz qilayotgan Airbus A320 samolyoti Fransiya janubida, Alp tog‘lari ustida halokatga uchrashi oqibatida layner bortida bo‘lgan 150 kishining barchasi halok bo‘lgan edi.