Япония амал қилиш муддати 13 апрелда тугайдиган, КХДРга қарши бир томонлама санкцияларни икки йилга узайтирди, дея хабар бермоқда ТАСС.
Санкциялар Пхеньян билан савдонинг тақиқланишини ўз ичига олади, шунингдек Шимолия Корея кемаларининг Япония портларига киришини чеклайди.
Муддатни узайтириш бўйича қарор Япония фуқаролари ўғирлаб кетилишини тергов қилишда прогресс йўқлиги сабабли қабул қилинди.
Ўтган йилнинг июлида Шимолий Корея 1970—80 йилларда ўғирлаб кетилиб, КХДРда куч билан сақланаётган японияликлар тақдирини тергов қилса, Япония санкцияларнинг бир қисмини бекор қилишга ваъда берган эди.
Токионинг таъкидлашича, 1970 йилларда КХДР махсус хизматлари Япониядан 17 фуқарони ўғирлаб кетган. КХДР эса уларнинг сони 13 та эканини айтмоқда. Гаровдагиларнинг беш нафари музокаралар натижасида ўз ватанига қайтган, қолган саккиз киши, КХДР таъкидлашича, вафот этган. Бироқ Япония буни ёлғон маълумот деб ҳисоблаб, уларнинг иши қайтадан тергов қилинишини талаб қилган эди.
Изоҳ (0)