Украинанинг Харьков вилояти Волчанск туманидаги хусусий ҳайвонот боғида ягуар ўзи сақланадиган майдонни тозалаётган аёлга ҳамла қилди, дея хабар бермоқда «Интерфакс-Украина».
Жабрланувчини жонлантириш бўлимига ётқизишди, унинг аҳволи барқарор оғир дея баҳоланмоқда: аёл бошининг энса қисмидан жароҳат олган. Дастлабки маълумотларга кўра, ходима йиртқич қафасининг эшигини беркитишни унутган. У қулоғига наушник таққан ҳолда мусиқа эшитиб майдонни тозалаётган бўлган.
Ягуар ҳужумидан сўнг прокуратура соғлиққа атайлаб оғир зарар бериш ҳақидаги модда бўйича жиноий иш қўзғади. Бу иш бўйича гумондор кимлиги ошкор этилмади.
Изоҳ (0)