Мухолифат блокидан халқ депутати, Украина собиқ президенти сафдоши Нестор Шуфрич кичик Виктор Януковичнинг ўлимини тасдиқлади, дея хабар бермоқда «Корреспондент.net» Шуфрич матбуот хизматининг Facebook’даги саҳифасига таяниб.
«Виктор Викторович Янукович фожиали тарзда ҳалок бўлди. Қандай яшаган бўлса, шундай — автомобиль ҳайдаётиб вафот этди. Кичик Виктор Януковичнинг Украина автомобиль спорти тараққиётига қўшган ҳиссасини алоҳида тилга олиш зарур…» — дейилади хабарда.
У кичик Виктор Януковичнинг рафиқаси, ўғли, ота-онаси ва яқинларига чуқур ҳамдардлик билдирди.
Бугун, 23 март куни аввалроқ қатор Украина ОАВлари Украина собиқ президентининг ўғли кичик Виктор Януковичнинг Бойкўл кўлидаги бахтсиз ҳодиса натижасида вафот этгани ҳақида хабар берган, бироқ бу Россия ФВВ томонидан рад этилган эди.
Изоҳ (0)