Рэпер Тимати (Тимур Юнусов) Чеченистон раҳбари Рамзан Қодиров билан бирга Россияда ишлаб чиқарилган YotaPhone’дан фойдаланишга ўтишга даъват этган бўлса-да, iPhone’дан воз кеча олмади, дея хабар бермоқда «Mail.ru».
Тиматининг Instagram саҳифасида янги фотосурат пайдо бўлди, унда хонанда Apple смартфони ёрдамида селфига тушаётгани акс этган. Нашрнинг таъкидлашича, Тимати бу масалада ёлғиз эмас — Рамзан Қодировнинг ўзи ҳам iPhone’дан воз кечиши ҳақида эълон қилган бўлса-да, бироз вақт ўтиб, АҚШ қурилмасини кўтариб юргани назардан четда қолмаган эди.
Эслатиб ўтамиз, аввалроқ Қодиров ўзининг Facebook’даги саҳифаси орқали хонанда Тиматига Россияда ишлаб чиқарилган YotaPhone смартфонини совға қилганини ва ўзи ҳам iPhone’дан воз кечишини ёзган эди.
«Мен аввалроқ iPhone’дан фойдаланишдан воз кечмоқчи эканлигим ҳақида ёзгандим. Шундан буён YotaPhone’ни яхшилаб ўргандим. Бугун дўстим Тимати − Тимур Юнусов келган эди. Мен унга ҳам совға қилдим. Бундан буён иккаламиз ҳам фақат ўзимизнинг YotaPhone’дан фойдаланамиз. У ишлатишга қулай, чиройли дизайнга эга, энг асосийси эса − бу Россия маҳсулоти», − деб ёзди Қодиров.
Изоҳ (0)