eBay аукционида америкалик поп-қўшиқчилар концертларидан олинган ҳаво сотила бошлади, дея хабар бермоқда «Российская газета».
Америкалик рэпер Канье Уэст концертига тушган мухлис 60 минг доллар эвазига «юлдузли» кислород билан бўлишишга тайёрлигини билдирди.
Сотувчининг ишонтиришича, у концертда саҳнанинг олдигача бориб, нафақат у ердаги ҳавони, балки рэпернинг пешонасидан томган бир томчи терни ҳам қўлга киритишга муваффақ бўлган. Буларнинг барчасини у пластик пакетга «солиб», дастлаб беш долларга пулламоқчи бўлган.
Ишқибозлар ўртасида шов-шувга сабаб бўлгач, лот бир неча кун ичида 60 минг долларгача қимматлашган. Бироқ савдолашиш охирига етмай, ҳаво сотувдан олиб ташланди, унинг кейинги тақдири ҳозирча номаълум.
Изоҳ (0)