Қозоғистон ўз иқтисодиётининг долларлашувига қарши курашни фаоллаштирди

Қозоғистон ҳукумати ва Миллий банки 2015−2016 йилларда иқтисодиётнинг долларлашуви даражасини камайтириш бўйича режа ишлаб чиқди, деб хабар бермоқда «Интерфакс».

Режа учта асосий стратегик йўналишни ўз ичига олади: макроиқтисодий барқарорликни таъминлаш, нақдсиз тўловларни ривожлантириш ва яширин муомалани камайтириш, миллий валютанинг хорижий валютадан устунлигини таъминлаш.

Жумладан, иқтисодиётни диверсификация қилиш ва ишлаб чиқарилаётган маҳсулот ва хизматларда маҳаллий ишлаб чиқарувчилар улушини кўпайтириш бўйича чоралар кўзда тутилган. Шунингдек, банк соҳасида ҳам қатор ўзгаришлар режалаштирилган.

Маълумот учун, 2015 йил 4 март куни 1 доллар 185,05 тенгени ташкил этмоқда.