Qozog‘iston o‘z iqtisodiyotining dollarlashuviga qarshi kurashni faollashtirdi

Qozog‘iston hukumati va Milliy banki 2015−2016-yillarda iqtisodiyotning dollarlashuvi darajasini kamaytirish bo‘yicha reja ishlab chiqdi, deb xabar bermoqda “Interfaks”.

Reja uchta asosiy strategik yo‘nalishni o‘z ichiga oladi: makroiqtisodiy barqarorlikni ta’minlash, naqdsiz to‘lovlarni rivojlantirish va yashirin muomalani kamaytirish, milliy valyutaning xorijiy valyutadan ustunligini ta’minlash.

Jumladan, iqtisodiyotni diversifikatsiya qilish va ishlab chiqarilayotgan mahsulot va xizmatlarda mahalliy ishlab chiqaruvchilar ulushini ko‘paytirish bo‘yicha choralar ko‘zda tutilgan. Shuningdek, bank sohasida ham qator o‘zgarishlar rejalashtirilgan.

Ma’lumot uchun, 2015-yil 4-mart kuni 1 dollar 185,05 tengeni tashkil etmoqda.