Қозоғистон ҳуқуқни ҳимоя қилиш органлари Актау шаҳридаги оммавий худкушликни амалга оширишга уриниш юзасидан тергов ишлари олиб бормоқда, деб ёзади «Knews.kg».
Актаудаги коллежлардан бирида ўқиб, битта уйда ижарада турадиган беш қиз 50 тадан парацетамол таблеткасини ичиб, ўз жонларига қасд қилмоқчи бўлган. Уларнинг барчаси касалхонага келтирилган. Ошқозонлари ювилгач, уйга жавоб берилган.
Аниқланишича, талаба қизлардан бири йигити билан жанжаллашиб қолган ва ўзини ўлдирмоқчи бўлган. Қолган қизлар ҳам бирдамлик юзасидан дори ичган.
Қизлар таълим оладиган ўқув муассасаси директори сўзларига кўра, уларни оилали қизнинг онаси худкушлик содир қилишга ундаган бўлиши мумкин. Фожиа куни қизлар яшайдиган уйга номаълум аёл бостириб кирган ва уларга бақириб, бутун овулга шарманда қилиш билан таҳдид этган.
Изоҳ (0)