2014-yil sentabr oyida eng nufuzli oliy o‘quv yurtlaridan biri bo‘lgan Toshkent axborot texnologiylari universiteti talabalari o‘rtasida “Mobil dasturlar” tanlovi boshlangan edi. Tanlov doirasida TATUning iste’dodli talabalari mobil ilovalar ishlab chiqish bo‘yicha bilim va qobiliyatlarini ko‘rsatish imkoniga ega bo‘ldilar.
2015-yil 27-fevral kuni universitetda talabalar, professorlar, o‘qituvchilar, shuningdek Ucell kompaniyasi menejerlari ishtirokida tantanali taqdirlash marosimi bo‘lib o‘tdi. O‘z tashrifi davomida “Mobil dasturlar” tanlovi g‘oliblarini taqdirlash marosimiga ham tashrif buyurgan TeliaSonera kompaniyasining Yevrosiyo mintaqasi bo‘yicha rahbari Erik Xallberg ham talabalarga o‘z tabriklarini bildirdi.
“Biz ta’lim sohasiga katta e’tibor qaratamiz va o‘zimiz tarmoqlarini qurayotgan va odamlarni aloqa bilan ta’minlayotgan mamlakatlarning texnologik rivojlanishda qatnashishni o‘zimizning burchimiz deb hisoblaymiz. Shuningdek, biz o‘zimizning boy xalqaro tajriba va bilimlarimizni bo‘lishishdan mamnun holda telekommunikatsiyalar sohasidagi mutaxassislarning yangi avlodini tarbiyalashga ko‘maklashamiz. Yoshlar yangiliklar uchun ancha ochiq, shuning uchun ham men TATU talabalari o‘z ilovalari orqali rivojlanishga tayyorliklarini ko‘rsatayotganidan mamnunman. Aminmanki, bunday tanlovlar yoshlarning yangi bilimlarga ishtiyoqini oshiradi”, − dedi Xallberg.
Tanlov shartlari bo‘yicha quyidagi mavzulardagi ishlanmalar qabul qilindi:
- Aloqa sifatini tekshirish (Internet tezligi, abonentning joylashuvi, telefon rusumi, abonent raqami va boshqa ma’lumotlar);
- Ucell ofislarini va dilerlik markazlarini qulay topish;
- Munosib tarif va xizmatlar hisoblagichi;
- Ucell’ning Facebook’dagi sahifasi bilan qulay aloqa qilish;
- Ucell’ning Facebook’dagi sahifasining “Like”lari sonini oshirish;
- Erkin mavzu (Ucell bilan oldindan kelishilgan holda).
TATU o‘qituvchilari, shuningdek Ucell’ning ekspert xodimlaridan iborat hakamlar hay’ati eng yaxshi natijalarni ko‘rsatgan 7 nafar ishtirokchini tanlab oldi. G‘oliblikni quyidagi talabalar qo‘lga kiritdi:
- Zoir Olimov / USpeed Application model
- Farruh Bahodirov / Ucell Analytics
- Vohid Zarbiyev / U-dealer
- Bekzod Buranov / UzChat
- Shohrurh Sharipov / SmartUcellTelephony
- Ivan Belyavskiy / AgentIn
- Samandar Komilov / FindFriend
“Men Ucell kompaniyasi tomonidan taqdim etilgan tanlovda qatnashish va mobil dasturlarni ishlab chiqish bo‘yicha ko‘nikmalarni namoyish etish imkoniyatidan juda xursandman. O‘zim ham kompaniya abonenti bo‘lgan holda men xizmatlarni tahlil qilib ko‘rdim, o‘z ilovamda kompaniyaning barcha innovatsiya yechimlaridan foydalanishga va xizmatlar tezligini oshirish uchun yangi yechimlarni taklif qilishga harakat qildim. Hakamlar va ekspertlarning fikrlari menga kelajakda ham yangi dasturlar ishlab chiqishda va aloqa xizmatlarini yanada qulayroq qilishga hissa qo‘shishimda yordam beradi”, − dedi tanlov g‘olibi Zoir Olimov.
“Mobil dasturlar” tanlovi g‘oliblari nafaqat qimmatbaho mukofotlarga, balki asosiysi va eng yaxshisi − kompaniya mutaxassislaridan amaliy qo‘llab-quvvatlashga ega bo‘ldi. Universitetda o‘qish bilan bir vaqtning o‘zida ular maqsadga yo‘naltirilgan yordam ham olishadi. Bu turdagi ustozlik talabalarga o‘z amaliy bilimlarini oshirishlariga yordam beradi.
Reklama huquqlari asosida.
Izoh (0)