Аввал хабар берганимиздек, 11 февраль куни 19:00 дан 21:00 га қадар «Водий садоси» радиосида хонанда Райҳон билан интервью бўлиб ўтди. «Дарё» мобил мухбири Улуғбек Худойберганов ушбу интервьюни тинглаб, уни ёзма шаклда тақдим этди.
Интервьюнинг учинчи қисмида хонанда телефон ва интернет орқали берилган саволларга жавоб берди.
Хусусан, синглиси Насибанинг турмушга чиқаётганини тасдиқлаб, тўйнинг шу йили бўлишини айтди.
Шунингдек, «Ўзингиз таом тайёрлаб турасизми?» — саволига жавобан, Райҳон «доим эмас, имкон бўлганида» пишириб туришини қайд этди.
Мухлислардан бири хонандадан унинг психологларга мурожаат қилиш-қилмаслиги ва шахсий психологи бор-йўқлигини сўради. Бунга жавобан, у ҳаёти давомида ҳеч қачон психологларга иши тушмаганлигини маълум қилди. «Психологлар сиз бирон бир қийин ҳолатга тушиб қолганингизда ёки депрессияга учраган вақтингизда ёрдам беради. Назаримда ҳаммаси инсоннинг ўзига, иродаси мустаҳкамлигига боғлиқ. Мен ҳаётим давомида юзма-юз келган қийинчиликларни табассум ила енгишга ҳаракат қиламан», — деди Райҳон.
Изоҳ (0)