Айни дамда Уммон султонлиги Ал-Амират шаҳрида бўлиб ўтаётган «Масқад фестивали»нинг 25 йиллик юбилей тадбирида Ўзбекистондан бир гуруҳ делегация қатнашмоқда. Фолклор йўналишда ижод қилувчи «Сурхон» гуруҳи айни дамда фестиваль иштрокчиларидан биридир, деб хабар бермоқда «Uz24.uz».
Фестивальда турли давлатлардан келган иштрокчилар ўз миллий урф-одатлари, миллий ҳунармандлик маҳсулотлари, қолаверса, миллий қўшиқларини бутун дунёдан ташриф буюрган меҳмонларга тақдим этишади.
Мазкур катта фестивалга 11 мамлакатдан, яъни Ўзбекистон, Уммон, Тайланд, Франция, Миср, Ҳиндистон, Танзания, Эрон, Марокко, Туркия ва Хитойдан вакиллар келишган. Ундаги ҳар бир давлат учун махсус ажратилган жойда ўша юртнинг миллий маданияти ва ўзига хос мақбараларини акс эттирувчи экспонатлар, кичик шаҳарча кўринишидаги декорациялар қурилган. Маълум бўлишича, уларни ҳар бир давлатдан юборилган фотосуратлар бўйича қурувчилар бунёд этишган. Бундан ташқари, ўндан ортиқ саҳналар қурилган бўлиб, турли миллат санъаткорлари учун 30−45 дақиқадан вақт ажратилган. Бизнинг ҳамюртларимиз 21 январь Тошкент вақти билан 21:00 да саҳнага чиқди ва ўзбек миллий ашулаларини ижро этишди.
Бир ой давомида бўлиб ўтадиган мазкур фестивални томоша қилишга келган чет эллик меҳмонлар ва барча қатнашчилар олам-олам таъассуротлар олишади, ўзга миллатлар санъати билан яқиндан танишишади.
Изоҳ (0)