25 январь куни Доғистондан Москвага келтириладиган Муҳаммад (с.а.в) пайғамбар соч толаси йил давомидаги байрам кунларида Россия пойтахти масжидларида кўрсатилади, деб хабар бермоқда ТАСС.
Дастлаб Муҳаммад (с.а.в) пайғамбар соч толасини Москвадаги «Крокус Сити Холл» концерт залида бўлиб ўтадиган Мавлид ан-Наби кечасида кўриш мумкин бўлади. Хавфсизлик нуқтаи назаридан намойиш кириш қисмида эмас, балки саҳнада ўтказилади.
26 январь куни Муҳаммад (с.а.в) пайғамбар соч толаси Махачқалъага қайтарилади. Кейин яна айнан қачон Россия пойтахтига олиб келиниши маълум қилинмаган.
Изоҳ (0)