Навоий кон-металлургия комбинати 2014 йилда 285 миллион долларлик лойиҳаларни амалга оширди

Навоий кон-металлургия комбинати 2014 йилда умумий қиймати 285 миллион долларга тенг саккизта лойиҳани амалга оширди. Бу ҳақда комбинат вакилига таяниб, «РИА Новости» хабар берди.

Хусусан, комбинат 40,8 миллион долларлик Қорақўтон олтин конини ишга туширди ва Қизилқум фосфор комплекси қувватини ошириш бўйича 60 миллион долларлик ишларни якунлади.

Амалдаги ишлаб чиқаришни модернизация қилиш доирасида НКМК умумий қиймати 162 миллион долларга тенг кон-транспорт техникаси ва асбоб-ускуналарини сотиб олди. Лойиҳалар корхонанинг ўз маблағлари ва Ўзбекистон банклари кредитлари ҳисобидан молиялаштирилди.