Navoiy kon-metallurgiya kombinati 2014-yilda umumiy qiymati 285 million dollarga teng sakkizta loyihani amalga oshirdi. Bu haqda kombinat vakiliga tayanib, “RIA Novosti” xabar berdi.
Xususan, kombinat 40,8 million dollarlik Qoraqo‘ton oltin konini ishga tushirdi va Qizilqum fosfor kompleksi quvvatini oshirish bo‘yicha 60 million dollarlik ishlarni yakunladi.
Amaldagi ishlab chiqarishni modernizatsiya qilish doirasida NKMK umumiy qiymati 162 million dollarga teng kon-transport texnikasi va asbob-uskunalarini sotib oldi. Loyihalar korxonaning o‘z mablag‘lari va O‘zbekiston banklari kreditlari hisobidan moliyalashtirildi.
Izoh (0)