UMS мобил алоқа оператори «Интернет 3000» ва «Интернет 5000» деб номланган янги ойлик интернет пакетларни ўз абонентларига тақдим этди. Тегишли маълумот компания расмий сайтига жойлаштирилган.
UMS фаолиятининг бошидан буён 5 доллар эвазига «Интернет 300» ва 10 доллар эвазига «Интернет 1000» пакетларини тақдим этиб келаётган эди. Янги 3000 Мб трафикни ўз ичига олувчи пакетнинг нархи 25 доллар, 5000 Мб трафикка эга пакет эса 35 доллар этиб белгиланган.
Қиёслаш учун, Beeline операторининг 1700 Мблик ойлик интернет пакети 13 доллар, 2700 Мблик пакети 20 доллар, 3700 Мблик пакети 27 доллар турса, Ucell компаниясининг 1500 Мб трафикка эга ойлик тўплами 10, 2500 Мблик тўплами 16, 4000 Мб трафикни ўз ичига олган тўплами эса 25 долларни ташкил этади.
Изоҳ (0)