Google Analytics статистика хизмати маълумотларига кўра, «Дарё» интернет-нашрига 2014 йил давомида 1 439 772 муштарий (уникал инсон) ташриф буюрган. 2013 йилда сайтимиз саҳифаларига 225 346 киши кирган бўлиб, 2014 йилда муштарийлар сони 6 баробарга ўсди.
Муштарийлар «Дарё»га бир марта эмас, балки бир неча бор ташриф буюрганини ҳисобга олсак, 2014 йилда сайтимизга қарийб 14 миллион ташрифчи ташриф буюрган. Ташрифи давомида улар 46 миллион саҳифани томоша қилган. Яъни, ҳар бир ташриф доирасида ташрифчи 3 дан ортиқ саҳифани кўрган.
Сайтга кириш учун ташрифчиларнинг қарийб 76 фоизи мобил қурилмалардан, 23 фоизи компьютерлардан, 1 фоизи эса планшетлардан фойдаланган.
[divide style="2"]
Фурсатдан фойдаланиб, сайтимизга ташриф буюрган 1 439 772 кишига ўз миннатдорчилигимизни билдирамиз. Сиз азизлар бўлмаганда, хабарларимизни ўқимаганда, бизни танқид қилмаганида биз ҳеч кимга керак бўлмаган бўлар эдик.
Изоҳ (0)