UMS mobil aloqa operatori “Internet 3000” va “Internet 5000” deb nomlangan yangi oylik internet paketlarni o‘z abonentlariga taqdim etdi. Tegishli ma’lumot kompaniya rasmiy saytiga joylashtirilgan.
UMS faoliyatining boshidan buyon 5 dollar evaziga “Internet 300” va 10 dollar evaziga “Internet 1000” paketlarini taqdim etib kelayotgan edi. Yangi 3000 Mb trafikni o‘z ichiga oluvchi paketning narxi 25 dollar, 5000 Mb trafikka ega paket esa 35 dollar etib belgilangan.
Qiyoslash uchun, Beeline operatorining 1700 Mblik oylik internet paketi 13 dollar, 2700 Mblik paketi 20 dollar, 3700 Mblik paketi 27 dollar tursa, Ucell kompaniyasining 1500 Mb trafikka ega oylik to‘plami 10, 2500 Mblik to‘plami 16, 4000 Mb trafikni o‘z ichiga olgan to‘plami esa 25 dollarni tashkil etadi.
Izoh (0)