Bloomberg агентлиги Хитойнинг Alibaba интернет дўкони асосчиси Жек Ма Осиёнинг энг бой кишисига айланганини маълум қилди, деб хабар бермоқда «Интерфакс».
50 ёшли Ма 2012 ва 2013 йилларда Осиёнинг энг бой кишиси бўлган Cheung Kong Group ва Hutchinson Whampoa бошқарув раиси Ли Кашиндан ўзиб кетди. Bloomberg рейтингига кўра, Манинг маблағлари 28,6 миллиардни ташкил қилади, бу 86 ёшли Кашиннинг бойлигидан тахминан 300 минг долларга кўп демакдир.
Аслида инглиз тили ўқитувчиси бўлиб ишлаган Жек Ма 1999 йилда Ханчжоу шаҳрида ўз компаниясига асос солган. Alibaba Group маблағлари жорий йилда 259 миллиард долларни ташкил қилган бўлиб, бу унинг рақиблари Amazon ва eBay капиталларининг йиғиндисидан ҳам кўп демакдир.
Изоҳ (0)