Таниқли ҳинд сиёсатчиси, Ҳиндистондаги Карнатака штати солиқ вазири Сатиш Жаркихоли ўз юртдошларига арвоҳлар мавжуд эмаслигини ўзига хос йўл билан исботлаб беришга қарор қилди. У атрофида бир нечта мозорлар жойлашган крематорий (жасадлар куйдириладиган жой)да бир кечани ўтказди, дея хабар бермоқда ТАСС.
У ерда вазир билан биргаликда унинг юздан ортиқ тарафдорлари тунаб қолди, улар крематорийда уйқу олдидан овқатланиб ҳам олди. «Бундай акция ўтказиш орқали турли бидъатларга қарши чиқмоқчиман. Қабристонларда ҳеч қандай арвоҳлар йўқ, бироқ бу одамларда қаттиқ қўрқув уйғотади. Ҳеч нарсадан қўрқиш керак эмас, ахир бу ерлар муқаддас жой», — деди Жаркихоли.
Изоҳ (0)