10 декабрь куни Европа Чемпионлар лигасининг гуруҳ босқичи ўйинлари якунига етди, деб хабар бермоқда «Stadion.uz».
“E” гуруҳида «Манчестер Сити» плей-оффнинг иккинчи йўлланмасини қўлга киритди. Улар Римда бўлиб ўтган ўйинда «Рома»ни 2:0 ҳисобида мағлуб этишди. «Бавария» гуруҳда биринчи, «ЦСКА» 4-ўринда қолди.
«Барселона» эса Месси, Неймар, Суареснинг голлари эвазига «ПСЖ»ни мағлуб этди ва гуруҳда 1-ўринни эгаллади. Парижликларнинг ягона голи Иброҳимович ҳисобига ёзилди. «Аякс» Европа Лигасига йўл олди.
«Г» гуруҳида иккинчи йўлланма «Шалке-04»га насиб этди. Улар сўнгги турда «Марибор» майдонидан ғалаба билан қайтишнинг уддасидан чиқишди. «Челси»га ютқазган «Спортинг» Европа Лигасида ўз иштирокини давом эттиради.
«Ҳ» гуруҳида эса плей-офф йўлланмаларини «Порту» ва «Шахтёр» клублари аввалроқ ҳал қилиб бўлишганди. «Атлетик» Европа Лигаси плей-оффига йўлланма олди.
Европа чемпионлар лигаси, 6-тур
“E” гуруҳи
«Бавария» (Германия) – «ЦСКА» (Россия) 3:0 (1:0, 2:0)Голлар: 1:0 – 18, пенальти Мюллер, 2:0 – 84 Роде, 3:0 – 90 Гёце.
«Рома» (Италия) – «Манчестер Сити» (Англия) 0:2 (0:0, 0:2)Голлар: 0:1 – 60 Насри, 0:2 – 86 Сабалета.
«Ф» гуруҳи
«Барселона» (Испания) – «ПСЖ» (Франция) 3:1 (2:1, 1:0)Голлар: 0:1 – 15 Иброҳимович, 1:1 – 19 Месси, 2:1 – 41 Неймар, 3:1 – 77 Суарес.
«Аякс» (Голландия) – «APОЭЛ» (Кипр) 4:0 (1:0, 3:0)Голлар: 1:0 – 45, пенальти Шене, 2:0 – 50 Шене, 3:0 – 53 Классен, 4:0 – 74 Милик.
«Г» гуруҳи
«Марибор» (Словения) – «Шалке-04» (Германия) 0:1 (0:0, 0:1)Гол: 0:1 – 62 Майер.
«Челси» (Англия) – «Спортинг» (Португалия) 3:1 (2:0, 1:1)Голлар: 1:0 – 8, пенальти Фабрегас, 2:0 – 16 Шюррле, 2:1 – 50 Силва, 3:1 – 56 Оби Микел.
«Ҳ» гуруҳи
«Атлетик» (Испания) – «БАТЕ» (Беларусь) 2:0 (0:0, 2:0)Голлар: 1:0 – 47 Сан Хосе, 2:0 – 88 Сусаета.
«Порту» (Португалия) – «Шахтёр» (Украина) 1:1 (0:0, 1:1)Голлар: 0:1 – 51 Степаненко, 1:1 – 87 Абубакар.
Изоҳ (0)