10-dekabr kuni Yevropa Chempionlar ligasining guruh bosqichi o‘yinlari yakuniga yetdi, deb xabar bermoqda “Stadion.uz”.
“E” guruhida “Manchester Siti” pley-offning ikkinchi yo‘llanmasini qo‘lga kiritdi. Ular Rimda bo‘lib o‘tgan o‘yinda “Roma”ni 2:0 hisobida mag‘lub etishdi. “Bavariya” guruhda birinchi, “SSKA” 4-o‘rinda qoldi.
“Barselona” esa Messi, Neymar, Suaresning gollari evaziga “PSJ”ni mag‘lub etdi va guruhda 1-o‘rinni egalladi. Parijliklarning yagona goli Ibrohimovich hisobiga yozildi. “Ayaks” Yevropa Ligasiga yo‘l oldi.
“G” guruhida ikkinchi yo‘llanma “Shalke-04”ga nasib etdi. Ular so‘nggi turda “Maribor” maydonidan g‘alaba bilan qaytishning uddasidan chiqishdi. “Chelsi”ga yutqazgan “Sporting” Yevropa Ligasida o‘z ishtirokini davom ettiradi.
“H” guruhida esa pley-off yo‘llanmalarini “Portu” va “Shaxtyor” klublari avvalroq hal qilib bo‘lishgandi. “Atletik” Yevropa Ligasi pley-offiga yo‘llanma oldi.
Yevropa chempionlar ligasi, 6-tur
“E” guruhi
“Bavariya” (Germaniya) – “SSKA” (Rossiya) 3:0 (1:0, 2:0)Gollar: 1:0 – 18, penalti Myuller, 2:0 – 84 Rode, 3:0 – 90 Gyotse.
“Roma” (Italiya) – “Manchester Siti” (Angliya) 0:2 (0:0, 0:2)Gollar: 0:1 – 60 Nasri, 0:2 – 86 Sabaleta.
“F” guruhi
“Barselona” (Ispaniya) – “PSJ” (Fransiya) 3:1 (2:1, 1:0)Gollar: 0:1 – 15 Ibrohimovich, 1:1 – 19 Messi, 2:1 – 41 Neymar, 3:1 – 77 Suares.
“Ayaks” (Gollandiya) – “APOEL” (Kipr) 4:0 (1:0, 3:0)Gollar: 1:0 – 45, penalti Shene, 2:0 – 50 Shene, 3:0 – 53 Klassen, 4:0 – 74 Milik.
“G” guruhi
“Maribor” (Sloveniya) – “Shalke-04” (Germaniya) 0:1 (0:0, 0:1)Gol: 0:1 – 62 Mayer.
“Chelsi” (Angliya) – “Sporting” (Portugaliya) 3:1 (2:0, 1:1)Gollar: 1:0 – 8, penalti Fabregas, 2:0 – 16 Shyurrle, 2:1 – 50 Silva, 3:1 – 56 Obi Mikel.
“H” guruhi
“Atletik” (Ispaniya) – “BATE” (Belarus) 2:0 (0:0, 2:0)Gollar: 1:0 – 47 San Xose, 2:0 – 88 Susayeta.
“Portu” (Portugaliya) – “Shaxtyor” (Ukraina) 1:1 (0:0, 1:1)Gollar: 0:1 – 51 Stepanenko, 1:1 – 87 Abubakar.
Izoh (0)