Ўзбекистон Республикаси Конституцияси қабул қилинганининг 22 йиллиги муносабати билан Қорақалпоғистон Республикасида турли ижтимоий объект иншоотлари, намунавий лойиҳалар асосида қурилаётган уй-жойлар фойдаланишга топширилди. Бу ҳақда Ўзбекистон Миллий ахборот агентлиги хабар бермоқда.
Президент Ислом Каримовнинг 2009 йил 3 августда қабул қилинган «Қишлоқ жойларда уй-жой қурилиши кўламини кенгайтиришга оид қўшимча чора-тадбирлар тўғрисида»ги қарори асосида чекка овулларда намунавий лойиҳалар асосида бунёд этилаётган замонавий турар-жойлар ҳудуд инфратузилмасини яхшилаш, аҳолининг турмуш фаровонлигини юксалтириш, қишлоқ жойларда замонавий сервис хизмати кўрсатишни ривожлантиришга хизмат қилмоқда.
Кегейли туманидаги «Оқтуба» ҳамда «Жузимбақ» овул фуқаролар йиғинларида ўтган йили қурилиб, фойдаланишга топширилган ана шундай 25 турар-жой қаторига бу йил яна 30 таси қўшилди.
«Қурилиш ашёлари Нукус шаҳри, Амударё, Чимбой ва Қораўзак туманларидан шартнома асосида узлуксиз келтирилгани ишнинг юқори суръатларда боришини таъминлади, – деди туман ҳокими ўринбосари Парахат Қулимов. — Конституциямиз байрами арафасида Оқтуба овулида 20 та, Жузимбақ овулида 10 та хонадонда ҳовли тўйлари нишонланди».
Изоҳ (0)