2014 йилнинг 6—7 декабрь кунлари Тошкент ахборот технологиялари университетида талабалар ўртасида дастурлаш бўйича жаҳон чемпионати ярим финал мусобоқалари ўтказилди, дея хабар бермоқда Infocom.uz.

Унда Ўзбекистон Олий таълим муассасаларидан 21 та, Қозоғистондан 22 та ва Қирғизистондан 2 та жамоа иштирок этди. Ярим финал мусобақалари Шимоли-шарқий Европа минтақасида бир вақтнинг ўзида онлайн равишда Тошкент, Санкт-Петербург, Тбилиси ва Барнаул шаҳарларида бўлиб ўтди.

Жамоаларга 11—12 та масалалани ишлаш учун 5 соат вақт берилди. Мусобақа натижаларига кўра, Тошкент ахборот технологиялари университетининг 1-жамоаси 27-ўринни, ТАТУнинг 2-жамоаси 87-ўринни, Москва давлат университетининг Тошкентдаги филиали 1-жамоаси эса 91-ўринни эгаллади.

Шимоли-шарқий Европа минтақасидан энг яхши натижаларга эришган жамоалар 2015 йилнинг 16—21 май кунлари Марокашда бўлиб ўтадиган финал мусобақасига йўлланмани қўлга киритди.