«Манго» гуруҳи айбдор изламоқда (видео)

2014 йил сўнгига келиб, «Манго» гуруҳи ижодида ҳам, таркибида ҳам ўзгаришлар бисёр, деб хабар беради «Popcorn.uz».

Гуруҳ таркибига яқинда янги аъзо қўшилганди. Фарруҳ жамоани тарк этиб, ўрнига Ойбек келган эди. Энди эса гуруҳ яна эски таркибга қайтди. Бугунги кунда гуруҳда Азизхон, Ҳамдам ва Фарруҳ фаолият олиб бормоқда. Бир неча йиллар давомида синалган аъзолар яна бир гуруҳ сафида ижод қилмоқда.

Гуруҳ аъзолари бу таркиб билан янги қўшиқ ва видеоклип тайёрлади. Аввалги қўшиқлардан фарқ қилувчи тарона «Ким айбдор?» дея номланади. Тарона учун видеоклип Дилмурод Агзамов томонидан тасвирга олинди.

Клип трек йўналишида бўлса-да, тарона мазмуни тасвирлар ва ҳиссиёт орқали ёритилган, унда дард ва кузги армонлар акс этган.

http://www.youtube.com/watch?v=VEmo49PBHX0

Қайд этилишича, гуруҳ вакиллари янги йил учун ҳам алоҳида тайёргарлик кўраётганлигини маълум қилган.