Эртага, 10 декабрь куни Ўзбекистон Республикасининг Давлат мадҳияси қабул қилинганига 22 йил тўлади, деб хабар бермоқда Ўзбекистон Миллий ахборот агентлиги.
Ўзбекистон Қаҳрамони, Ўзбекистон халқ шоири Абдулла Орипов шеъри, Ўзбекистон халқ артисти, атоқли композитор Мутал Бурҳонов мусиқаси асосида яратилган Давлат мадҳияси даъваткор кучга эга. У халқ ва миллатни бирлаштириш, инсонларни янги-янги зафарларга ундашда муҳим аҳамият касб этади.
Президент Ислом Каримов ташаббуси билан 1992 йил 10 декабрда қабул қилинган «Ўзбекистон Республикасининг Давлат мадҳияси тўғрисида»ги қонунда белгиланганидек, мадҳия давлат суверенитетининг рамзи, унга катта эҳтиром билан қараш ҳар бир юртдошимизнинг ватанпарварлик бурчидир. Ўзбекистон фуқаролари, шунингдек, мамлакатда яшаб турган бошқа шахслар ҳам мадҳияни ҳурмат қилиши шарт.
Изоҳ (0)