«Эътироф-2014» тақдирлаш маросими жорий йилнинг 26 декабрь куни «Истиқлол» санъат саройида Ёшлар маданият ва санъат маркази томонидан, Маданият ва спорт ишлари вазирлиги ҳамда қатор ташкилотлар ҳамкорлигида ташкил этилади. Бу ҳақда Ёшлар маданият ва санъат маркази «Дарё»га маълум қилди.
Марказ пресс-релизида айтилишича, «Эътироф-2014» тақдирлаш маросими иқтидорли ҳамюртларимизга умид ва ўз устиларида янада кўпроқ меҳнат қилишлари учун туртки беради. Масоримда кенг жамоатчилик томонидан эътироф этилаётган ижодкорлар, ўз соҳасида юқори натижаларга эришган спортчилар ва умидли ёшлар тақдирланишади.
Тақдирлаш маросими кино, театр, тасвирий ва амалий санъат, мусиқа ва вокал, рақс, спорт, телевидение, радио каби соҳалар бўйича бўлиб ўтади ва мухлислар овозлари ғолибларни аниқлаб беради. Барча йўналишлардаги ҳар бир номинант учун алоҳида код ажратилган бўлиб, ушбу кодларни 5742 рақамига йўллаш орқали овоз бериш мумкин.
Кино йўналиши. «Йилнинг энг яхши» фильми номинациясида «Қўрғон» (коди 101), «Сариқ девни миниб» (103) ва «Геолог» (105), «Йилнинг энг яхши киноактёри» номинациясида Матёқуб Матчонов (107), Бобур Йўлдошев (108) ва Мирза Азизов (109), «Йилнинг энг яхши киноактрисаси» номинациясида Жамила Ғофурова (111), Шаҳзода Матчонова (112) ва Асал Шодиева (114) даъвогарлик қилмоқда.
Театр йўналиши. «Йилнинг энг яхши спектакли» номинациясида «Тонг отган томонларда» (202),«Танҳо қайиқ» (203), «Ойдин» (204) драмалари, «Йилнинг энг яхши театр актрисаси» номинациясида Феруза Холмирзаева (206), Лола Элтоева (209), Асила Аҳмедова (210), «Йилнинг энг яхши театр актёри» номинациясида Умирбай Қосимбетов (212), Игорь Бухаидзе (214) ва Анвар Мовлянов (215) даъвогарлик қилмоқда.
Тасвирий ва амалий санъат йўналиши. «Йилнинг энг яхши рассоми» номинациясида Мухтархон Исанов (301), Тоҳир Каримов (305) ва Валерий Енин (306), «Йилнинг энг моҳир ҳунарманди» номинациясида Жамшид Гаипов (307), Маҳфуза Салимова (308), Одилбек Матчонов (309), «Йилнинг энг моҳир ҳайкалтароши» номинациясида Жолдасбек Куттимуратов (312), Тўлаган Ёркулов (313) ва Азамат Хатамов (314) даъвогарлик қилмоқда.
Рақс. йўналиши. «Йилнинг энг яхши балетмейстери» номинациясида Равшан Абдуллаев (402), Чаросой Журабаева (403), Рушана Султонова (404), «Йилнинг энг яхши рақс ижрочиси» номинациясида Сеҳриё Мирзаева (407), Шодиёра Омонова (409) ва Дилноза Ортиқова (410) даъвогарлик қилмоқда.
Мусиқа ва вокал йўналиши. «Йилнинг энг яхши анъанавий қўшиқлар ижрочиси» номинациясида Назокат Нарзиева (502), Рахшона Қўзиева (503), Илёс Арабов (504), «Йилнинг энг яхши эстрада хонандаси» номинациясида Сардор Мамадалиев (507), Жаҳонгир Позилжонов (508), Улуғбек Раҳматуллаев (509), Шоҳруҳхон Юлдашев (510) ва Алишер Турдиев (511), «Йилнинг энг яхши аёл эстрада хонандаси» номинациясида Дилсўз (Гўзал Жуманиёзова, 512), Шаҳзода (Зилола Мусаева, 513), Умидахон Хўжаева (514), Муниса Ризаева (515) ва Зиёда Қобулова (516), «Йилнинг энг фаол гуруҳи, ансамбли, оркестри» номинациясида «Давр» (517), «Караван» (518), «Афруз» (519), «Шарқ» (520) ва «Дурдона» (521), «Йилнинг энг яхши бастакори» йўналишида Мусахон Нурматов (522), Шуҳрат Зокиров (523) ва Жамшид Изамов (525) ғолиблик учун даъвогарлик қилмоқда.
Телевидение ва радио йўналиши. «Йилнинг энг яхши телерадиожурналисти» номинациясида Комола Одилова («Ёшлар» телерадиоканали, 602), Дилдора Мардиева («Тошкент» телерадиоканали, 603), Абдулла Мамасодиқов («Дунё бўйлаб» телеканали, 605), «Йилнинг энг яхши телерадиобошловчиси» номинациясида Шунқор Чориев («Ўзбекистон» телерадиоканали, 608), Дилноза Мамадалиева («Ёшлар» телерадиоканали, 609), Маъмур Абдиев («Спорт» телерадиоканали, 611), «Йилнинг энг яхши телелойиҳаси» номинациясида «Имкон-шоу»дастури («Ёшлар» телерадиоканали, 618), «Сайёр камера» кўрсатуви («Тошкент» телерадиоканали, 619), «Премьерадан сўнг» ток-шоуси («Маданият ва маърифат» телеканали, 622), «Йилнинг энг яхши радиолойиҳаси» номинациясида «Парламент фаолияти» («Ўзбекистон» телерадиоканали, 623), «Олтин мерос» («Тошкент» телерадиоканали, 624), «Кун тафсилоти» («Итоги дня», ЎзЭОАВМА, 627) лойиҳалари ғолиблик учун курашади.
Спорт йўналиши. «Йилнинг энг яхши спортчиси» номинациясида Бегзод Абдурахмонов (701), Вадим Менков (702) ва Светлана Радзивил (703), «Йилнинг спорт маликаси» номинациясида Жамила Рахматова (704), Умида Абдуллаева (705) ва Тагиева Маҳлиё (706), «Йилнинг спорт мураббийи» номинациясида Александр Ким (707), Марс Кучкаров (708) ва Александр Недорезов (709) даъвогарлик қилмоқда.
Изоҳ (0)